Savdo-sanoat palatasi Hukumat boʼysunuvidan toʼliq chiqariladi

Prezident Savdo-sanoat palatasi va uning xududiy boʼlinmalarining faoliyati ham tubdan oʼzgarishini aytdi.

Bundan buyon, ular:

tuman, shahar tadbirkorlarini birlashtirib, ularni qiynayotgan muammo va masalalarni aniqlash bilan amalda shugʼullanadi;

har bir tuman va shaharda ilgʼor metodikalar asosida biznesga oʼqitish maktablarini tashkil qiladi;

hokim va boshqa hududiy rahbarlarga koʼrib chiqishi majburiy boʼlgan taqdimnomalar kiritish vakolatiga ega boʼladi;

mahalliy Kengash va hokimlar bilan har oy kamida ikki marta tanqidiy muhokamalarni oʼtkazadi.

Shu bilan birga, Savdo-sanoat palatasining oʼziga ham:

Hukumatga koʼrib chiqishi majburiy boʼlgan masala kiritish;

tadbirkor manfaatini koʼzlab Oliy sudga ariza berish hamda iqtisodiy, maʼmuriy va jinoyat ishlari boʼyicha sud qarorlarini qayta koʼrib chiqish yuzasidan shikoyat kiritish vakolatlari beriladi.