2040-yilga borib dunyoda sotiladigan har bir yangi avtomobil elektromobil bo'ladi

2040-yilga borib, dunyoda sotiladigan har bir yangi yengil avtomobil elektrda ishlaydi. Bu haqda ExxonMobil bosh direktori Darren Vuds CNBC telekanaliga bergan intervyusida ma'lum qildi.

Shu bilan birga, o‘tgan yili elektromobillar butun jahon avtomobil savdosining atigi 9 foizini tashkil qilgan, deya qayd etadi CNBC Canalys ma’lumotlariga tayanib. Shuningdek, 2020-yilga nisbatan elektromobillar sonining o‘sishi 109 foizni tashkil etgan.

ExxonMobil hisob-kitoblariga ko'ra, 2040-yilgacha neftga bo'lgan talab 2013-2014-yillardagi qiymatlar darajasida bo'ladi. Biroq, kompaniya shu vaqtgacha daromadli bo'lib qoladi, deydi uning rahbari.

Vudsning fikricha, elektr transport vositalariga o‘tish va benzinga bo‘lgan talabning pasayishi bilan Exxon Mobil kompaniyasining kimyoviy moddalari, sanoat va bioyoqilg‘i dunyodagi eng yirik neft kompaniyalaridan birining biznesini saqlab qolishda muhim rol o‘ynaydi. O‘z navbatida, kompaniya tomonidan ishlab chiqarilgan sintetik materiallar elektromobillarni yaratish uchun ishlatilishi mumkin, deya ta’kidladi bosh direktor.