Alibaba biznesni oltita kompaniyaga bo'linishini e'lon qildi

Alibaba o'zining 220 milliard dollarlik biznesini mustaqil ravishda mablag' to'playdigan va IPOni rejalashtiradigan oltita asosiy bo'linmaga bo'lishini e'lon qildi. Yangilik tufayli Alibaba aksiyalari Nyu-Yorkdagi premarketda 9 foizga oshdi.

"Faqat o'zimizni isloh qilish orqali biz kelajakni yaratishimiz mumkin", dedi Alibaba Group bosh direktori Daniel Chjan xodimlarga yo'llagan maktubida. Uning ta'kidlashicha, bu "Alibaba'da 24 yil ichidagi eng muhim tashkiliy o'zgarish".

Rejaga muvofiq oltita yirik biznes guruhini yaratiladi: Alibaba Cloud Intelligence (biznesni Chjanning o‘zi boshqaradi, bu elektron tijorat yetakchisi portfelida sun’iy intellektning ortib borayotgan rolini namoyish etadi), Taobao Tmall (guruh bosh direktori Trudy Dai onlayn xaridlarni bo'limini boshqaradi), International Digital Commerce (xalqaro chakana savdoning sobiq rahbari Jiang Fan raqamli biznes bo'linmasini boshqaradi), shuningdek, Local Life (oziq-ovqat yetkazib berish biznesini o'z ichiga oladi), Cainiao (logistika) va Dawen Entertainment (raqamli media va o'yin-kulgi).

Har bir biznes guruhi o'z direktorlar kengashlariga ega bo'ladi. Ular xolding kompaniyasi boshqaruv modeli ostida Alibaba Group tomonidan nazorat qilinadi. “Bozor eng yaxshi tayanch toshdir. Kelajakda malakali biznes-guruhlar mustaqil moliyalashtirish va listingni amalga oshirishi mumkin bo‘ladi”, — deyiladi Chjan xatida.

Alibaba’ning qayta tuzilishi haqidagi yangilik Xitoy hukumati xususiy sektorni qo‘llab-quvvatlash va’dasidan so‘ng paydo bo‘ldi, deydi UOB Kay Xian bosh ijrochi direktori Stiven Lyun. "Agar Xitoy yalpi ichki mahsulotning 5% o'sish maqsadiga erishmoqchi bo'lsa, Alibaba kabi kompaniyalarni qo'llab-quvvatlashi kerak", dedi u.