Dunyoning eng boy oilalari reytingi
Bloomberg o'zining yillik reytingida dunyodagi eng boy oilalarni e'lon qildi. Ular orasida Walmart, Mars, Koch Industries va Hermes kompaniyalari egalari bor.
Dunyodagi eng yirik "Walmart" ulgurji va chakana savdo tarmog‘iga egalik qiluvchi Uoltonlar oilasi Bloombergning dunyoning eng boy oilalari ro‘yxatini ketma-ket to‘rtinchi yil boshqarib bordi. Agentlik oilaning boyligini 224,5 milliard dollarga baholagan.
Ma'lumotlariga ko'ra, dunyodagi eng badavlat 25 ta oilaning umumiy boyligi 1,5 trillion dollarni tashkil etadi, bu o'tgan yilgidan 143 milliard dollarga kam.
10 ta eng boy oilalar qatoriga quyidagilar kiritildi:
- Mars oilasi, Mars qandolatchilik mahsulotlari va uzoq muddat saqlanadigan oziq-ovqat ishlab chiqaruvchisi egalari - 160 milliard dollar (yil uchun + 18 milliard dollar);
- Koch oilasi, Amerikaning Koch Industrues neft-kimyo korporatsiyasi egalari — 124,4 milliard dollar (+4,4 milliard dollar);
- Saudiya qirollik oilasi Al Saud - 105 milliard dollar (+5 milliard dollar);
- Erme oilasi, frantsuz Hermes modalar uyi egalari — 94,6 milliard dollar (-17 milliard dollar);
- Ambani oilasi, Hindistonning Reliance Industries neft qazib olish va qayta ishlash xoldingi egalari — 84,6 milliard dollar (-9,1 milliard dollar);
- Vertgeymerlar oilasi, frantsuz Chanel modalar uyi egalari — 79 milliard dollar (+17,2 milliard dollar);
- Cargill oilasi, Cargill qishloq xo'jaligi kompaniyasi egalari, 65,2 milliard dollar;
- Tompsonlar oilasi, Reuters axborot agentligining nazorat paketi egalari - 61,2 milliard dollar;
- Xoffmanlar oilasi, Shveytsariya farmatsevtika kompaniyasi Roche Holdingning ozchilik egalari - 45,1 milliard dollar.
