Lula de Silva Braziliyada o’tkazilgan prezidentlik saylovida g'alaba qozondi

Braziliyada o'tkazilgan prezidentlik saylovining ikkinchi tur natijalariga ko'ra Luiz Inasio Lula de Silva 50.9% ovoz bilan g'alaba qozondi. Lula de Silva prezidentlik faoliyatini 2023-yilning 1-yanvaridan boshlaydi.

Braziliyaning amaldagi prezidenti Jair Bolsonaro esa 49.1% ovoz bilan mag'lub bo'ldi.

Braziliyada jami 156 million saylovchi bor. Birinchi tur saylovda Lula de Silva 48.43%, Bolsonaro 43,20 % ovoz olgan edi.

Mutaxassislarning fikricha, Bolsonaroning saylovdagi mag'lubiyatiga iqtisodiy inqiroz, COVID-19 pandemiyasida vafot etgan 700 ming braziliyalik, Amazonka o'rmonlarining qisqarib borishi hamda hukumat tizimidagi korrupsiyalar sabab bo'lgan.

P.S. Lula da Silva 2003-2010-yillarda, ikki muddat mamlakatni boshqargan.