Misr barcha karantin talablarini bekor qildi
![](https://brightuzbekistan.uz//data/uploads/module/news/posts//4014/1200x670/62ad99e74675b.jpg)
Misr mamlakatga kirish uchun manfiy PZR-test ma’lumotnomasi yoki kovidga qarshi emlanganlik to‘g‘risidagi sertifikat mavjudligi haqidagi talabni bekor qildi.
Sayohatchilarga Misrga kirish uchun COVID-19 ga qarshi emlanganlik to‘g‘risidagi sertifikat yoki testlarini taqdim etish talab etilmaydi. Bu haqda «Uzbekistan Airways» matbuot xizmati xabar bermoqda.
Qirg‘iziston 1-maydan boshlab manfiy PZR-testi yoki kovidga qarshi emlanganlik to‘g‘risidagi sertifikati mavjudligi haqidagi talabni olib tashladi, mazkur talablar iyun oyida Qozog‘istonda hamda AQShda (faqat havo yo‘li oqrali) yo‘lovchilar uchun bekor qilingandi.
Ma’lumot uchun, 10-iyundan boshlab O‘zbekistonga kirib keluvchi ham xorijlik, ham mahalliy fuqarolar uchun koronavirus bilan bog‘liq barcha cheklovlar bekor qilindi. Unga ko‘ra, manfiy natijali PZR-test hamda kovidga qarshi emlanganlik to‘g‘risidagi sertifikat talab etilmaydi.