Neshvillda transgender ayol maktab o'quvchilarini otib tashladi

Dushanba kuni Tennessi shtati poytaxti Neshvill shahridagi nasroniy maktabida sodir bo‘lgan otishmada uch bola va uch katta odam halok bo‘ldi. Hujum qilgan 28 yoshli transgender ayol bo‘lib chiqdi, u politsiya tomonidan otib o‘ldirilgan, deb xabar berdi BBC.

Politsiya vakillarining so‘zlariga ko‘ra, jinoyat Neshvildagi Burton Hills bulvaridagi maktabda sodir etilgan. Qo'ng'iroqqa yetib kelgan politsiya otishmaga kirishdi va jinoyatchini o'ldirdi. U ikkita pulemyot va to'pponcha bilan qurollangan edi.

Matbuot anjumanida politsiya vakili Don Aaron otishmada halok bo‘lganlar orasida uch bola va uch maktab xodimi ham borligini aytdi. Halok bo‘lgan uch nafar bolaning hammasi to‘qqiz yoshda, ikki nafar katta yoshli kishi 61 yoshda va biri 60 yoshda bo‘lgan. Bir politsiyachi yaralangan.

Jinoyat sodir bo'lganidan bir necha soat o'tgach, politsiya otishma uyushtirgan shaxsning nomini oshkor qildi - bu Odri Xeyl, politsiya ma'lumotlariga ko'ra, u o'zini transgender deb identifikatsiyalashtirgan.

Jinoyat sabablari haqidagi ma'lumotlarga ko'ra, politsiya Xeylda ma'lum bir "manifest" topilganini va ba'zi taxminlar qilinayotganini ma'lum qilgan, ammo ular haligacha aniq motivlarni ayta olmadilar.

CNN telekanalining xabar berishicha, Odri Xeyl bir yil avval Neshvill san’at va dizayn kollejini tamomlagan. Uning LinkedIn sahifasida u frilanser-dizayner bo'lib ishlagani va do'konda yarim kunlik ishlagani aytiladi.

AQSh prezidenti Jo Bayden mart oyi oxirigacha Neshvilda marhumlar uchun motam tutish va mamlakatning barcha rasmiy muassasalarida bayroqlar tushirilishi bo'yicha buyruq berdi.