Qiymati 115 mln dollarlik 18 ming oʻrinli talabalar turar joyini qurish boʻyicha bitim imzolandi

Samarqandda dunyoning rivojlangan mamlakatlari yetakchi xalqaro iqtisodchilari, nufuzli investorlar va ekspertlarni jamlagan II Oʻzbekiston xalqaro iqtisodiy forumi doirasida, Oliy va oʻrta maxsus taʼlim vazirligi va Yevropa tiklanish va taraqqiyot banki oʻrtasida loyiha qiymati 115 mln dollarlik jami 18 000 oʻrinli 17 ta talabalar turar joylarini qurish boʻyicha Maslahat xizmati bitimi imzolandi.

Hujjatni imzolashda tomonlardan Oliy va oʻrta maxsus taʼlim vaziri oʻrinbosari Sarvarxon Buzrukxonov, Moliya vazirligi huzuridagi Davlat-xususiy sheriklikni rivojlantirish agentligi direktori Zokir Bozorov hamda Yevropa tiklanish va taraqqiyot bankining Barqaror infratuzilma siyosati va loyihalarni ishlab chiqish boʻyicha direktori Mesyu Jortan-Tank ishtirok etdi.