Sardor Umurzakov Turkiya elchisini kutib oldi
![](https://brightuzbekistan.uz//data/uploads/module/news/posts//762/1200x670/60d96e89c61f8.jpg)
O‘zbekiston Respublikasi Bosh vazirining o‘rinbosari, investitsiyalar va tashqi savdo vaziri S.Umurzakov Turkiya Respublikasining O‘zbekiston Respublikasidagi elchisi Olgan Bekarni qabul qildi.
Suhbat davomida ikki tomonlama savdo-iqtisodiy, investitsiyaviy, transport va logistika, madaniy-gumanitar hamkorlikning bugungi holati va istiqbollari muhokama qilindi. Shuningdek, Turkiya Respublikasi vitse-Prezidenti Fuat Oktayning O‘zbekiston Respublikasiga tashrifiga tayyorgarlik ko‘rish masalalari muhokama qilindi.
Ushbu tadbirlar doirasida ikki tomonlama hujjatlarning yirik to‘plamini imzolash rejalashtirilganligi va ularning amalda joriy etilishi O‘zbekiston-Turkiya munosabatlarining yanada rivojlanishiga yangi turtki berishi ta’kidlandi.