Soddalashtirilgan soliq, moliyaviy va statistika hisobotlari joriy etiladi

Prezident tez oʼsib borayotgan yuqori salohiyatli oʼrta korxonalar sonini hozirgi 3,5 mingtadan 10 mingtaga yetkazish zarurligini taʼkidladi.

Buning uchun, 2023-yil 1-yanvardan:

kichikdan oʼrta biznesga oʼtgan korxonalar ikki yil davomida foyda soligʼining faqat 50 foizini toʼlaydi;

mulkni sugʼurta qilish xarajatlarining 50 foizi davlat hisobidan qoplab beriladi;

soddalashtirilgan soliq, moliyaviy va statistika hisobotlari joriy etiladi;

davlat xaridlarida 20 foiz kvota oʼrnatilib, ushbu xaridlar doirasida ularga oldindan 50 foiz mablagʼ toʼlab beriladi (amalda 15 foiz).