TDT va BMT-Habitat o'zaro anglashuv memorandumini imzoladilar
Istanbuldagi TDT kotibiyatida Turkiy Davlatlar Tashkiloti (TDT) va Birlashgan Millatlar Tashkilotining barqaror shahar rivojlanishi uchun mas'ul agentligi BMT-Habitat o'rtasida o'zaro anglashuv memorandumi imzolandi.
TDT va BMT-Habitat turkiy davlatlarda ijtimoiy va ekologik jihatdan barqaror aholi punktlarini rivojlantirish uchun shaharlarni rivojlantirish bo'yicha hamkorlik qilish va birgalikda himoya qilishga kelishib oldilar.
Rasmiy imzolash marosimida TDT Bosh kotibi, elchi Kubanichbek Omuraliyev: "Turk dunyosi nigohi - 2040" konsepsiyasiga hamda TDTning 2022-2026 yilgi strategiyasiga muvofiq, ishonamanki biz BMT-Habitat bilan barqaror urbanizatsiyalashish, global tajribaga ega bo'lish, resurslarni safarbar qilish, siyosiy maydonda o'z so'zini aytish, qurilish resurslari borasida yaqindan hamkorlik qilamiz va ushbu hamkorlik TDT hududida barqaror urbanizatsiyalashish salohiyatini oshirishda yordam berishiga ishonamiz", - deya ta'kidladi.
Bosh kotib, shuningdek, “Mintaqamizda ro‘y berayotgan mavjud sharoit va favqulodda vaziyatlarni, xususan, tabiiy ofatlar va zilzilani inobatga olgan holda, BMT-Habitat bilan birgalikda TDT mamlakatlarimizga zilziladan keyingi tiklanish ishlarida texnik yordam, resurs taqdim etish orqali yordam beradi”, deb ta’kidladi. Zararlangan uy-joy, infratuzilma va jamoat joylarini baholash, shikastlangan infratuzilmani qayta tiklash, infratuzilma loyihalarini moliyalashtirish va salohiyatni oshirish tashabbuslarini qo‘llab-quvvatlash kabi jamoa boshchiligidagi tiklanish tashabbuslarini safarbar qilish va qo‘llab-quvvatlashga yaqindan yordam beradi”.
BMT Bosh Ijrochi direktori Habitat Maymunah Mohd Sharif o'z so'zida: "Shaharlar qoladi va insoniyatning kelajagi shubhasiz shaharlardir. Ammo shaharlar nafaqat muammo manbalari. Ular covid, iqlim va mojarolarga qarshi kurashish uchun innovatsion yechimlarni taklif qilishadi. Biz shaharlarimizni yaxshiroq rejalashtirishimiz, qurishimiz va boshqarishimiz kerak," - dedi.
TDT va BMT-Habitat oʻrtasidagi hamkorlik turkiy mamlakatlarda salohiyatni oshirish, shahar darajasidagi boshqaruvni rivojlantirishni qoʻllab-quvvatlash va ishtirokchi byudjet mexanizmlarini joriy etishga qaratilgan. Memorandum shahar boshqaruvi boʻyicha maʼlumotlarni toʻplash va tahlil qilishga, shuningdek, shahar boshqaruvi islohotlarini ilgari surish boʻyicha SMM kampaniyalarni ishlab chiqish va oʻtkazishga yordam beradi. Tomonlar, shuningdek, turkiy davlatlar uchun mintaqaviy shahar forumini tashkil etishni rejalashtirishmoqda.
