Volkswagendan elektrobus

Volkswagen tomonidan bir necha yillar davomida va'da qilib kelinayotgan elektrobus nihoyat ommaga taqdim etildi.

Buzz deb yuritilayotgan elektrobus klassik Volkswagen avtobusining 21-asr versiyasi hisoblanadi.

Avval taqdim etilgan shovqinli va quvvati past original avtobusdan farqli o'laroq, yangi versiya to'liq elektr quvvatiga ega bo'ladi.

Mikrobusning orqa qismida kichik dvigatel o'rnatilgan. Chorshanba kuni (9-mart) namoyish qilingan Buzz 201 ot kuchiga ega bo'lib, bu klassik elektrobusning ikki xonali ot kuchidan ko'ra ko'proq hisoblanadi. Buzzning turli quvvat imkoniyatlariga ega turli versiyalari keyinroq taqdim etiladi, dedi Volkswagen.