Bayden boy amerikaliklar uchun soliqlarni oshirish bo'yicha yangi rejani taqdim etdi
AQSh prezidenti Jo Bayden Kongressga amerikalik oilalarni qo'llab-quvvatlash rejasini moliyalashtirish uchun eng boy amerikaliklarning daromadlaridan olinadigan soliqlarni oshirish bo’yicha taklif kiritadi. Soliqlarning o'sishi bolalarni parvarish qilish, umumiy maktab ta'limi va ishchilar uchun pullik ta'tilga 1 trillion dollarga yaqin mablag' ajratish imkonini beradi, deya xabar beradi Reuters rejadan xabardor bo'lgan suhbatdoshlarga tayanib.
Baydenning yangi rejasi AQShning soliq tizimini tubdan qayta ko'rib chiqishning bir qismi hisoblanadi. Bu badavlat amerikaliklar va yirik kompaniyalar hamda korporatsiyalardan soliq yig'imini ko'paytirishga qaratilgan, deydi agentlikning suhbatdoshlari. U daromad solig'ining maksimal stavkasi 37% dan 39,6% gacha ko'tarilishini va investitsiya kapitalidan olinadigan soliq deyarli ikki baravar ko'payishini taxmin qilmoqda. So'nggi soliq 1 mln. dollardan ortiq maosh oladigan odamlar uchun 39,6% gacha ko'tariladi. Shunday qilib, kapital o'sishining umumiy stavkasi, daromadlari 200,000 dollar (birgalikda e'lon qilingan 250,000 dollar) va undan yuqori bo'lgan jismoniy shaxslar uchun sof investitsiya solig'ining 3,8%ni tashkil qiluvchi, eng boy amerikaliklar uchun 43,4% ni tashkil qiladi.
Sof investitsiya soliq yig'imlari hisobiga Obamacare deb nomlanuvchi qonunga muvofiq qariyalarni parvarish qilish moliyalashtiriladi. Endi yiliga 200 ming dollardan ko'proq pul ishlab topadiganlar investitsiya solig'ini umumiy stavka bo'yicha 23,8 foizga to'laydilar. Taklif qilinayotgan kapitaldan olinadigan soliq stavkasi 1913 yilda joriy etilganidan beri eng yuqori ko’rsatkich bo'lishi mumkin. Kapitaldan olinadigan daromad solig'ini amerikaliklarning taxminan 1% to'laydi. Agentlik suhbatdoshlari Baydenning Kongressga murojaatidan oldin reja tafsilotlari oshkor qilinishini ta'kidladilar. Oq uy matbuot kotibi Jen Psaki soliqlarni oshirib yuborish tafsilotlari haqida izoh berishdan bosh tortdi, ammo prezident kelasi chorshanba kongressdagi nutqi paytida amerikalik oilalarni qo'llab-quvvatlash rejasini oshkor etishini aytdi. Uning so'zlariga ko'ra, prezident ma'muriyati yangi dasturlarni moliyalashtirish rejalarini hali yakunlamagan, ammo boylar va korporatsiyalar uchun soliqlarni oshirishga tayyor, chunki ular "bunga qodir".
Psakining so'zlariga ko'ra, Bayden va Oq uy iqtisodchilari soliqlarning bunday oshishi AQSh investitsiyalariga salbiy ta'sir qiladi deb o'ylamaydilar. Baydenning yangi rejasi taxminan 1 trillion dollarga baholanmoqda. Avvalroq Bayden 2.3 trln. dollarlik infratuzilmani qo'llab-quvvatlash va ish o'rinlari yaratish uchun rejasini taklif qilgan edi. Kongressda respublikachilarning ushbu loyihasi qattiq qarshiliklariga duch keldi. Ular odatda infratuzilma loyihalarini moliyalashtirishni qo'llab-quvvatlaydilar, ammo Baydenning keksalar uchun kengaytirilgan parvarishlash va korporatsiyalar uchun soliqlarning ko'payishtiriiga qarshidirlar. Agentlik boylarga soliqlarni oshirish rejalari Baydenning infratuzilma takliflariga qarshilikni kuchaytirishi mumkinligini aytdi.
Qimmatli qog'ozlar bozori payshanba kuni indekslarning keskin pasayishi bilan boylar uchun soliqni oshirishi mumkinligi haqidagi xabarlarga munosabat bildirdi. Shunday qilib, S&P 500 indeksi kun boshida 1 foizga pasayib ketdi, bu bir oydan ko'proq vaqt ichida eng keskin pasayish bo'ldi. "Agar u o'tish imkoniyatiga ega bo'lsa, biz 2000 pog'onaga pasaygan bo'lar edik", deydi "Great Hill Capital" to'siq fondi raisi Tomas Xeyz, Baydenning fond bozori indekslarini taklifiga bo'lgan munosabatni izohladi. Savdolarning yopilishi bilan Dow Jones Industrial Average 0,94% ga tushib, 33 815,9 ga, S&P 500 0,92% ga tushib, 4 134,98 ga, Nasdaq Composite 0,94% ga pasayib, 13 818,41 ga yetdi.
