Ehtiyojmand yolgʼiz ayollar farzandlari uchun davlat bogʼchalari toʼlovlari budjetdan qoplab beriladi
Yigʼilishda eʼlon qilingan xotin-qizlarni qoʼllab-quvvatlash boʼyicha yana bir qator chora-tadbirlar belgilandi.
ehtiyojmand yolgʼiz ayollar farzandlari uchun davlat bogʼchalari toʼlovlari budjetdan qoplab beriladi;
yirik ishlab chiqarish korxonalari, toʼqimachilik klasterlari va kechki smenada aksariyat ayollar ishlaydigan korxonalar bogʼcha tashkil qilganda, ulardagi tarbiyachilarning ish haqi davlat tomonidan toʼlab beriladi;
27 ming nafar ayolning uy-joy sharoitini yaxshilash boʼyicha aniq rejalar belgilab olingan;
2022-yilda ipoteka kreditlari boʼyicha ajratiladigan subsidiyalarning kamida 40 foizi xotin-qizlarga yoʼnaltiriladi;
uy-joyga muhtoj 14 ming nafar ehtiyojmand xotin-qizlarga ijara toʼlovlari uchun 500 ming soʼmgacha kompensatsiya beriladi;
2022-yilda respublika boʼyicha 1 mingta ijtimoiy uylar sotib olinadi;
viloyat hokimlari ushbu uylarning 700 tasini uy-joyga muhtoj yolgʼiz ayollarga ijaraga beradi, ushbu xotin-qizlar kasb-hunarga oʼrgatiladi.
