Elektroenergetika sanoatini transformatsiyalash bo’yicha loyiha amalga oshiriladi

Bu Milliy elektr tarmoqlari samaradorligini oshirishga yordam beradi va butun mamlakat bo'ylab millionlab korxonalarni ishonchli elektr ta'minoti bilan ta'minlaydi.

Loyihani amalga oshirish uchun Xalqaro taraqqiyot assotsiatsiyasi 380 million dollar, Yashil iqlim jamg‘armasi esa 43 million dollar kredit ajratadi. Ushbu moliyalashtirish mamlakat hukumatiga juda past foiz stavkalarida va maksimal to'lov muddati 40 yilgacha bo'lgan holda taqdim etiladi.

O‘zbekistonda elektr energiyasiga bo‘lgan talab 2018-yildagi 61 milliard kilovatt-soatdan 2030-yilga borib 100 milliard kilovatt-soatdan oshishi kutilmoqda. Hozirda respublikada 250 ming km dan ortiq elektr uzatish va taqsimlash liniyalari mavjud.

Bundan tashqari, elektr uzatish tizimini monitoring qilish, boshqarish va ulardan foydalanish jarayonlarini takomillashtirishga qaratilgan zamonaviy raqamli va telekommunikatsiya texnologiyalari joriy etiladi.

Bundan tashqari, loyiha O‘zbekistonni Afg‘oniston, Qozog‘iston va Tojikiston energetika tizimlari bilan bog‘lovchi infratuzilmani rekonstruksiya qilish va kengaytirish orqali Markaziy Osiyoda mintaqaviy elektr energiyasi savdosini rivojlantirishga yordam beradi.