O'zbekiston va Qirg'iziston: Qirg'iziston Respublikasi Prezidentining O'zbekistonga tashrifi bo’yicha asosiy natijalar
11-12-mart kunlari Qirg‘iziston Respublikasi Prezidenti Sadir Japarov boshchiligidagi delegatsiyaning tashrifi bo‘lib o‘tdi. Ushbu tashrif ikki respublika o‘rtasidagi munosabatlarni rivojlantirishda muhim geosiyosiy, iqtisodiy va ijtimoiy ahamiyatga ega bo‘ldi. Muhim hujjatlar imzolandi va kelgusidagi hamkorlik rejalari belgilab olindi. Mazkur maqolada biz tashrif davomida erishilgan eng muhim kelishuvlar haqida gapirib o‘tamiz.
Tashrifning boshlanishi, tor doiradagi muzokaralar.
Oliy martabali mehmonning tashrifi Ko‘ksaroy qarorgohida rasmiy kutib olish marosimidan boshlandi. Respublikamiz Prezidenti Qirg‘iziston Respublikasi Prezidenti Sadir Japarovni samimiyat bilan kutib oldi. Marosimdan so‘ng tor doirada muzokaralar bo‘lib o‘tdi - Prezidentlar jahon va mintaqaviy siyosatning dolzarb masalalari bo‘yicha "soatlarni chamalab oldilar". Ushbu turdagi muzokaralar muhim ahamiyatga ega, chunki ular muzokaralarning keyingi yo‘nalishini belgilab beradilar. Tor doirada davlatlar rahbarlari o‘zlarining salomlashuv nutqlari bilan almashdilar va ikki tomonlama hamkorlikning turli masalalari bo‘yicha o‘xshash fikrlarni bildirdilar.
Asosiy muzokaralar va muhim shartnomalarni imzolash.
Bayonot tadbirlaridan so‘ng asosiy muzokaralar boshlandi. Savdo-iqtisodiy hamkorlikni mustahkamlash va yanada rivojlantirish kun tartibidagi eng muhim masala bo‘ldi. Sanoat kooperatsiyasini oshirish, transport diplomatiyasi va energetika sohasida hamkorlik munosabatlarini yaxshilash muhimligi qayd etildi. Shu maqsadda tomonlar ikki mamlakat bozorlarida yuqori talabga ega, shuningdek yuqori qo‘shilgan qiymatga ega mahsulotlarni yetkazib berish bo‘yicha, eksport-import jarayonlari va tashqi savdo infratuzilmasini rivojlantirish bo‘yicha zarur choralarni ko‘rishga kelishib oldilar. Savdo-iqtisodiy aloqalarni mustahkamlashda ikki tomonlama hamkorlik bo‘yicha O‘zbekiston-Qirg‘iziston hukumatlararo komissiyasining muhim roli qayd etildi. Kelishuvlarni amalda bajarish uchun hukumat rahbarlariga yaqin vaqt ichida komissiyaning navbatdagi majlisini o‘tkazish topshirildi. Savdo uylari faoliyatini kengaytirish, biznes forumlar va sanoat mahsulotlari ko‘rgazmalarini o‘tkazish zarurligi ta’kidlandi. Mamlakatlar o‘rtasidagi tovar aylanmasi hajmining o‘sishi nafaqat iqtisodiy muhim qadam hisoblanadi, balki geosiyosiy jihatdan ham muhim ahamiyatga ega. Transport sektori va tranzit yo‘laklarini rivojlantirish O‘zbekiston-Qirg‘iziston hamkorligining muhim yo‘nalishi ekanligi aytib o‘tildi. O‘zbekiston va Qirg‘iziston o‘rtasida, xususan, sanoat kooperatsiyasini oshirish va transport-logistika sohasidagi munosabatlarni rivojlantirish bo‘yicha muloqotlar ochilganining o‘zi mamlakatlar yanada keng integratsiyaga tayyorligini va birgalikdagi sa’y-harakatlar orqali tashqi bozorga chiqishga tayyorligini ko‘rsatadi. Bu esa o‘z navbatida, o‘zbek-qirg‘iz mahsulotlarining jahon bozoridagi o‘rnini mustahkamlaydi.
Barcha kelishuvlarni amalga oshirish maqsadida, muzokaralarni tasdiqlash uchun hujjatlarni imzolash marosimi bo‘lib o‘tdi. Tashrif doirasida ko‘p qirrali o‘zbek-qirg‘iz sherikligining deyarli barcha yo‘nalishlarini qamrab olgan 22 hujjat imzolandi. Andijon va O‘sh, Namangan va Jalolobod viloyatlari, Farg‘ona viloyati va Botken, Norin viloyatlari o‘rtasidagi hamkorlikni yanada kengaytirish maqsadida "Yo‘l xaritalari" qabul qilindi, bu shubhasiz mintaqalararo hamkorlikni yanada mustahkamlashga xizmat qiladi.
Tadbirlar yakunida O‘zbekiston Prezidenti Shavkat Mirziyoyev nomidan Qirg‘iziston Prezidenti Sadir Japarovning tashrifi sharafiga rasmiy ziyofat berildi.
