O'zbekiston-Vengriya ishbilarmonlar Kengashining birinchi мajlisi
![](https://brightuzbekistan.uz//data/uploads/module/news/posts//202/1200x670/605f0cd0ceca9.jpg)
Kelgusi hafta boshida O'zbekiston – Vengriya ishbilarmonlar Kengashining birinchi мajlisi bo'lib o'tadi. Bu haqda O'zbekiston Savdo-sanoat palatasi matbuot xizmati xabar berdi.
Uchrashuvda O'zbekiston Respublikasi Bosh vaziri o'rinbosari, Investitsiyalar va tashqi savdo vaziri Sardor Umurzakov va Vengriya tashqi iqtisodiy aloqalar va tashqi ishlar vaziri Peter Siyyarto ishtirok etadi. Dastur moderatori O'zbekiston Respublikasi SSP raisi Akram Ikromov bo'ladi.
Shuningdek, tadbirda Vengriya savdo-sanoat palatasi prezidenti Laslo Parraga, "OTR Bank" boshqaruv raisi o'rinbosari, O'zbekiston - Vengriya biznes kengashining Vengriya tomonidan hamraisi Laslo Wolf, Vengriya SSPning xalqaro tashqi iqtisodiy aloqalar bo'yicha rais o'rinbosari Andras Revo, Vengriyaning O'zbekiston Respublikasidagi Favqulodda va muxtor elchisi Piter Santo, Vengriya eksport-import banki direktori o'rinbosari Robert Grijlov kabi mehmonlar so'zga chiqadilar.
Avval xabar berganimizdek, O'zbekiston Respublikasi Bosh vaziri o'rinbosari, Investitsiyalar va tashqi savdo vaziri Sardor Umurzakov boshchiligidagi davlat delegatsiyasining Budapestga tashrifi doirasida ikki mamlakatning biznes aloqalarini kengaytirish bo'yicha qo'shma ishbilarmonlar kengashining tashkil etilishi to'g'risidagi bitim imzolandi.
O'zbekiston - Vengriya biznes kengashi ikki mamlakat ishbilarmon doiralari hamkorligini yanada kengaytirish uchun platforma bo'lishi kutilmoqda.