O'zbekistonda ko'p xonadonli uylarga xizmat ko'rsatish tizimini raqamlashtirish va uy-joy fondini yaratish rejalashtirmoqda
2021 yil 26 aprel kuni Prezidentimiz Shavkat Mirziyoyev ko'p qavatli uylarni boshqarish tizimini takomillashtirishga bag'ishlangan taqdimot bilan tanishdi, deya xabar beradi davlatimiz rahbarining matbuot xizmati.
Uy-joylarni boshqarish tizimini isloh qilish va yagona ishchi tuzilmani yaratish bugungi kunning eng muhim masalalaridan biriga aylandi. Statistik ma’lumotlarga nazar tashlaydigan bo’lsak, bugungi kunda mamlakatimizda 37 402 ta ko'p qavatli uylar mavjud. Ushbu uylarning 68 foiziga sheriklik, 24 foiziga boshqaruv kompaniyalari xizmat ko’rsatadi, 8 foiz uylar esa boshqaruvga ega emas.
Davlatimiz rahbari ko'p qavatli uylarda yashovchilarni tashvishga solayotgan ushbu masalaga bir necha bor e'tibor qaratgan, mas'ul shaxslarga xizmat ko'rsatish tizimini takomillashtirish vazifasi yuklangan.
Ushbu masalalarning dolzarbligini inobatga olgan holda va chet ellik mutaxassislar ishtirokida xorijiy tajribani o'rganish asosida ko'p qavatli uylarga xizmat ko'rsatish tizimini isloh qilish uchun joylarda muammolarni o'rganish, aholi va uyushmalar vakillarining fikrlarini o’rganish ishlari olib borildi, ko'p qavatli uylarga xizmat ko'rsatish tizimini takomillashtirish bo'yicha takliflar tayyorlandi.
Taqdimotda Prezidentga respublika byudjeti, mahalliy byudjetlar va mulkdorlarning to'plangan mablag'lari hisobidan 35, 35 va 30 mos ravishdagi nisbatda shakllanadigan ko'p xonadonli uylarni ta'mirlash uchun mablag' shakllantirish taklifi to'g'risida ma'lumot berildi.
Hisob-kitoblar shaffofligini nazorat qilish uchun boshqaruvchi tashkilotlar va sherikliklarning elektron reyestrini yuritish, har bir ko'p qavatli uy uchun shaxsiy hisob raqamlarini ochish, uyga xizmat ko'rsatish hududini aniq belgilash, hisobotlarni egalariga taqdim etish tartibini takomillashtirish va joriy etish, billing tizimini joriy qilish rejalashtirilgan.
Davlatimiz rahbari sohani tubdan takomillashtirish, zamonaviy xizmat ko'rsatish tizimini yaratish bo'yicha ko'rsatmalar berdi. Uylarni loyihalash bosqichidayoq xizmat ko’rsatish masalalarini zaruratini, shuningdek, uy-joy fondining va unga tutash hududning mintaqaviy tarkibini o’ylab chiqish zaruratini ta’kidlab o’tdi.
Uylarni ta'mirlash ko'lamini kengaytirish, boshqaruv va sheriklik kompaniyalari uchun malakali kadrlar tayyorlash bo'yicha ko'rsatmalar berildi. Moliya vazirligiga ushbu chora-tadbirlar uchun zarur mablag' ajratish vazifasi topshirildi.
