Samarqandda Buyuk ipak yo‘li noyob muzeyi quriladi

Samarqandda “Buyuk ipak yo‘li” noyob muzeyi quriladi. Obʼyektning loyiha konsepsiyasi Germaniyaning Atelier Brukner arxitektura byurosi bilan hamkorlikda ishlab chiqilmoqda.
Muzey Samarqand shahrining markazida Universitet xiyoboni va Bobur Mirzo ko‘chasi oralig‘ida joylashgan bo‘ladi.

Muzeyning tashqi ko‘rinishi Ipak yo‘lini eslatuvchi silliq ipak lenta ko‘rinishidagi hajmli maydon bo‘ladi. U doimiy ravishda bino bo'ylab cho'ziladi va markaziy platformani rampa shaklida kesib o'tadi. Bino yerto‘lasining markazida Samarqand tasviri, tomida esa barcha qavatlardan ko‘rinib turadigan landshaft elementlari joylashtiriladi. Ichkarida binoning o'ziga xos uchta "barmog'i" ga o'xshash maydon paydo bo'ladi. Bu ko'rgazma ekspozitsiyalarini yaratish uchun qulay sharoitlarni ta'minlaydi.

Yuqori qavatda joylashgan asosiy ekspozitsiya maydoni markaziy ochiq atriumdan va uchta qanotdan o'tadi. Har bir qanotning oxirida uchta tematik zona bo'ladi.

Ushbu loyiha YuNESKOning Butunjahon merosi qoʻmitasiga tasdiqlash uchun taqdim etiladi. Chunki obyekt qurilishi koʻzda tutilgan shahar hududi YUNESKOning Butunjahon merosi roʻyxatiga kiritilgan tarixiy markazda joylashgan.