Sanksiyalar ostida qolayotgan Usmonovning 600 million dollarlik yaxtasi bloklandi
Germaniya hukumati Gamburgdagi kemasozlik zavodida Alisher Usmonovning 600 million dollarlik Dilbar yaxtasini blokladi. Ma'lumotlarga ko'ra, yaxta qayta jihozlash uchun Germaniyaning Blohm + Voss kemasozlik kompaniyasining Gamburg tersanelarida bo‘lgan.
Nemis rasmiylari 512 futlik Dilbar yaxtasini Usmonov Rossiyaning Ukrainadagi “harbiy operatsiyasi” munosabati bilan Yevropa Ittifoqi sanksiyalariga uchraganidan ikki kun o‘tib to‘sib qo‘ygan, deya xabar beradi manbalar. Yaxta Gamburgda oktabr oyi oxiridan buyon modernizatsiya qilinmoqda.
Alisher Usmonov Dilbarni 2016-yilda Lurssen kemasozlik kompaniyasidan 600 million dollarga sotib olgan. U yaxtani buyurtma asosida 52 oy davomida qurdi va uni “ham kattaligi, ham texnologiyasi jihatidan eng murakkab yaxtalardan biri” deb atadi.
U 15 917 tonna suv o'tkazuvchanligi bilan bu dunyodagi eng katta motorli yaxta hisoblanadi. Uning ekipaji 96 kishidan iborat. Dilbar yaxtasida o‘rnatilgan eng katta basseyn, ikkita vertolyot maydonchasi, sauna, go‘zallik saloni va sport zali mavjud. Yaxtadagi 12 ta lyuks 24 kishini sig'dira oladi.
28-fevral kuni Yevropa Ittifoqi Ukraina tufayli 26 nafar rossiyalikga nisbatan yangi shaxsiy sanksiyalar joriy qildi. Usmonov birinchi marta ro‘yxatga kiritildi. Tadbirkor tomonidan asos solingan “Metalloinvest” kompaniyasi vakili Usmonovga nisbatan sanksiyalarni “aqlsiz va adolatsiz” deb atadi. Forbesning 2021-yilgi reytingiga ko‘ra, Alisher Usmonovning boyligi 18,4 milliard dollarga baholangan.
Usmonov Yevropa Ittifoqi sanksiyalar kiritilgach, Xalqaro qilichbozlik federatsiyasi prezidenti lavozimidagi faoliyatini to‘xtatdi. Qaror, uning soʻzlariga koʻra, “adolat tiklanmaguncha” amal qiladi. “2022-yil 28-fevralda men YI tomonidan kiritilgan sanksiyalar nishoniga aylandim. Men bu qarorni adolatsizlik deb hisoblayman, sanksiyalar mening sha’nim, halolligim va ishchanlik obro‘yimga putur yetkazuvchi soxta va asossiz ayblovlardir”, — deyiladi FEI saytida e’lon qilingan bayonotda.
