Sud ekspertlari faoliyati reyting tizimida baholab boriladi

“Sud-ekspertlik faoliyatini tartibga soluvchi ayrim normativ-huquqiy hujjatlarni tasdiqlash to'g'risida”gi Hukumat qarori bilan Sud ekspertlarining faoliyatini reyting tizimida baholab borish to'g'risidagi namunaviy nizom tasdiqlandi.

Mazkur nizom quyidagilarni belgilaydi:

    sud ekspertlarini reyting tizimida baholash va baholash mezonlari;
    reyting natijalari bo'yicha sud ekspertlarini rag'batlantirish, rag'batlantirishni kamaytirish yoki bekor qilish yoki intizomiy jazo qo'llash;
    reyting ko'rsatkichlari yuqori sud ekspertlarining ishini ommalashtirish.

Shuningdek qaror bilan Adliya vazirligi huzuridagi Sud ekspertlik faoliyatini rivojlantirishni qo'llab-quvvatlash jamg'armasi faoliyatiga oid nizom ham tasdiqlandi.

Davlat sud-ekspertiza muassasalariga ularning byudjetdan tashqari jamg'armalaridan 50 foizgacha qismini xodimlarni ijtimoiy himoya qilish va moddiy rag'batlantirsh uchun sarflashga ruxsat beriladi.