Yangi konstitutsiya loyihasiga ko'ra bir shaxs ketma-ket ikki muddatdan ortiq saylanishi (tayinlanishi) cheklanadi

Ayni vaqtda Oliy Majlis Qonunchilik palatasining navbatdagi majlisida “O‘zbekiston Respublikasi Konstitutsiyasi to‘g‘risida”gi O‘zbekiston Respublikasi Konstitutsiyaviy qonuni loyihasi muhokama etilmoqda.

Konstitutsiyaviy qonun loyihasi loyihasida davlat hokimiyatining bir qator lavozimlariga nisbatan ayni bir shaxs surunkasiga ikki muddatdan ortiq ushbu lavozimga saylanishi (tayinlanishi) mumkin emasligiga oid demokratik qoida kiritilmoqda.

Bular Qonunchilik palatasi Spikeri, Senat Raisi, O‘zbekiston Respublikasining Prezidenti, viloyat, tuman, shahar xalq deputatlari Kengashining raisi, hokim, Oliy sudning raisi va rais o‘rinbosari, Sudyalar oliy kengashining raisi va rais o‘rinbosari, Markaziy saylov komissiyaning raisi, Bosh prokuror lavozimlaridir.

Yig‘ilishda “O‘zbekiston Respublikasi Konstitutsiyasi to‘g‘risida”gi O‘zbekiston Respublikasi Konstitutsiyaviy qonuni loyihasi bo‘yicha O‘zbekiston Respublikasi referendumini o‘tkazish haqida”gi qaror qabul qilinishi kutilmoqda.