O'zbekiston aviatsiya bozoridagi monopoliyaning tugashi
2021 yil 26 aprel kuni O'zbekistonning birinchi xususiy aviakompaniyasi "Qanot Sharq" o'zining birinchi yo'lovchi samolyotini qabul qilib oldi. "Bu kun O'zbekiston aviatsiya bozoridagi monopoliya tugaydigan kun bo’ldi", - dedi Aziz Abduhakimov.
"Qanot Sharq" O'zbekistondagi birinchi xususiy aviakompaniya sifatida o’z o’rnini egallaydi. U mintaqaviy aeroportlardan Istanbul, Anqara (Turkiya), Dubay (BAA), Jidda, Medina (Saudiya Arabistoni), Moskva, Sankt-Peterburg (Rossiya Federatsiyasi) va Olmaota (Qozog'iston) kabi xalqaro yo'nalishlarga parvoz qiladi.
Kompaniya 1998 yilda ro'yxatdan o'tgan bo’lib, yuk va yo'lovchilarni havo transportida tashish yo’nalishida ixtisoslashgan. 2003 yildan 2012 yilgacha Il-76 samolyotlarini "O'zbekiston havo yo'llari" MAK dan ijaraga olgan va o'zining shaxsiy charter reyslarini amalga oshirgan.
"Qanot Sharq" 150 mingdan ortiq yo’lovchilarni tashigan. Barcha Il-76 samolyotlari Mudofaa vazirligiga o'tkazilgandan so'ng, uchishni amalga oshirish sertifikati to'xtatildi. Prezidentimiz fuqarolik aviatsiyasida islohotlar to'g'risidagi farmonni imzolagandan so'ng, kompaniya asoschilari uni mintaqaviy aviakompaniya maqomida qayta tiklashga qaror qilishdi.
Air Lease Corporation - Los-Anjelesda joylashgan samolyotlarni ijaraga beruvchi yetakchi kompaniyalardan biri. Kompaniya Nyu-York fond birjasida ro'yxatga olingan.
2020 yil oktyabr oyida avval G'arbiy Yevropa va Shimoliy Amerikada ekspluatatsiya qilingan, CFM dvigatelga ega, 174 o'rinli konfiguratsiyaga ega (ekonom klassi), 2005 va 2007 yillarda ishlab chiqarilgan ikkita A 320-214 yo'lovchi samolyotlari uchun lizing shartnomalari imzolandi.
“Qanot Sharq”ga yetkazib berishdan oldin har ikkala samolyot ham JOB Air Technic sertifikatlangan tashkilot asosida C-check asosiy texnik xizmatidan o'tgan.
Birinchi samolyot Toshkentga 26 aprel kuni mahalliy vaqt bilan soat 13:00da, ikkinchi samolyot may oyining uchinchi o'n kunligida yetib kelishi rejalashtirilgan.
